Мытныя органы Рэспублікі Беларусь
27 кастрычнiка 2026
У дачыненні да 49-гадовай пасажыркі міжнароднага аўтобуса, якая паспрабавала завезці на тэрыторыю ЕАЭС наркотыкі, Брэсцкая мытня распачала крымінальную справу.
Жанчына накіроўвалася праз пункт пропуску "Брэст" рэйсавым аўтобусам "Вроцлаў - Гомель". На магчымае знаходжанне забароненых рэчываў на пасажырскім сядзенні, якое яна займала, паказаў службовы сабака. Пры візуальным аглядзе нічога выяўлена не было.
Сама жанчына прайшла ў залу мытнага афармлення, дзе ўжо асабіста прыцягнула ўвагу службовага сабакі. На прамое пытанне мытніка аб наяўнасці пры сабе забароненых рэчываў яна адказала адмоўна.
Пры правядзенні надгляду ва ўнутранай кішэні курткі грамадзянкі выяўлена спакаваная ў шкарпэтку пластыкавая ёмістасць з рэчывамі, падобнымі з наркотыкамі.
Экспертыза ўпраўлення ДКСЭ па Брэсцкай вобласці пацвердзіла, што ў ёмістасці - марыхуана і гашыш агульнай масай 3,46 гр.
Брэсцкай мытняй распачата крымінальная справа паводле ч. 1 арт. 328-1 КК Рэспублікі Беларусь, санкцыя якой прадугледжвае пакаранне аж да сямі гадоў пазбаўлення волі.
Тэгі па тэме
