Мытныя органы Рэспублікі Беларусь
08 мая 2026
Дзяржаўныя ўзнагароды і пагоны ў сувязі з прысваеннем персанальных званняў уручыў сёння старшыня ДМК Уладзімір Арлоўскі супрацоўнікам мытных органаў Мінскага рэгіёна.
Віншаванні былі адрасаваныя таксама начальніку мытнага паста "Ашмянскі" Леанардзе Локцевай, якая літаральна ўчора з рук Кіраўніка дзяржавы атрымала высокую ўзнагароду, ёй прысвоена ганаровае званне - «Заслужаны мытнік».
Напярэдадні Дня Перамогі асабістая датычнасць да забеспячэння бяспекі краіны адчуваецца вастрэй, а атрыманне ўзнагарод набывае асаблівую значнасць і сімвалізм.
Кіраўнік беларускай мытні падзякаваў калегам за адказнае і неабыякавае стаўленне да даручанай справы, за выкананне пастаўленых перад службай задач на належным узроўні і павіншаваў з маючым адбыцца вялікім святам - Днём Перамогі.
"Мы, абаронцы эканамічнай бяспекі нашай краіны, як аднаго з асноўных напрамкаў нацыянальнай бяспекі, у поўнай меры ўсведамляем, што на нашых плячах велізарная адказнасць. Упэўнены, што беларускія мытнікі і надалей годна працягнуць традыцыі старэйшага пакалення, захоўваючы памяць пра тых, хто падарыў нам мір на роднай зямлі", - адзначыў Уладзімір Арлоўскі ў сваім звароце да калектыву.
Тэгі па тэме
