Мытныя органы Рэспублікі Беларусь
30 кастрычнiка 2026
Рашэнні па 13 пытаннях прыняты сёння ў Душанбэ на 26-ым пасяджэнні Камітэта кіраўнікоў праваахоўных падраздзяленняў Савета кіраўнікоў мытных службаў дзяржаў-удзельніц СНД.
У пасяджэнні ўдзельнічалі прадстаўнікі мытных службаў Арменіі, Азербайджана, Беларусі, Таджыкістана, Расіі, Казахстана, Кыргызстана і Узбекістана.
Беларускую дэлегацыю ўзначаліў намеснік Старшыні Дзяржаўнага мытнага камітэта Эдуард Даніловіч.
Аб актуальных схемах ухілення ад выплаты мытных плацяжоў і метадах процідзеяння эканамічным правапарушэнням далажыў кіраўнік рабочай групы Камітэта кіраўнікоў праваахоўных падраздзяленняў па гэтым пытанні, начальнік галоўнага ўпраўлення ДМК Беларусі Сяргей Парфёнаў.
Узгоднены канкрэтныя далейшыя крокі па ўзаемадзеянні ў частцы спынення падобных злачынных схем.
На парадак дня таксама вынесена абмеркаванне асноўных пагроз і выклікаў, звязаных з перамяшчэннем забароненых рэчываў і мер па іх нейтралізацыі, арганізацыя міжнародных спецыяльных мерапрыемстваў, рэалізацыя аналітычных праектаў, павышэнне кваліфікацыі супрацоўнікаў праваахоўных падраздзяленняў, узмацненне эфектыўнасці падрыхтоўкі службовых сабак.
Зацверджаны план работы Рэгіянальнага вузла сувязі па праваахоўнай рабоце СМытА па краінах СНД RILO-Масква на 2027 год, 25-ае пасяджэнне якога таксама прымаў у гэтыя дні Душанбэ.
Тэгі па тэме
