Мытныя органы Рэспублікі Беларусь
13 красавiка 2026
Гродзенскія мытнікі ў пункце пропуску «Каменны Лог» канфіскавалі ў грамадзяніна Беларусі, які прыбыў з Літвы аўтобусам «Каўнас — Мінск», псіхатропнае рэчыва.
У зале мытнага афармлення і кантролю пасажыраў аўтобуса на магчымую наяўнасць забароненых рэчываў у мужчыны паказаў службовы сабака.
Пры наступным даглядзе багажу беларуса з касметычкі выняты слоічак з вадкасцю без якіх-небудзь апазнавальных этыкетак.
Згодна з заключэннем эксперта Лідскага аддзела ДКСЭ па Гродзенскай вобласці, накіраванае на даследаванне рэчыва - псіхатроп тэтрагідроканабінол. Вага забароненага рэчыва склала больш за 16 грам.
Мужчына затрыманы. У дачыненні да яго Гродзенская рэгіянальная мытня ўзбудзіла крымінальную справу па ч. 2 арт. 328-1 КК Рэспублікі Беларусь. Санкцыя артыкула прадугледжвае пазбаўленне волі на тэрмін да 10 гадоў.
Тэгі па тэме
