Мытныя органы Рэспублікі Беларусь
08 мая 2026
Беларускі індывідуальны прадпрымальнік спрабаваў незаконна ўвезці ў Беларусь і тут рэалізаваць партыю адзення і сумак коштам звыш 285 тыс.бел. рублёў.
Рух яго транспартнага сродку MERCEDES-BENZ SPRINTER, які прыбыў з Расіі ў г. Гомель, спынілі гомельскія мытнікі пры правядзенні спецыяльнага мерапрыемства.
У аўто знаходзілася звыш 7,6 тыс. адзінак тавараў, на якія ў кіроўцы не было ніякіх дакументаў, у тым ліку і для іх законнага перамяшчэння.
Гомельскай мытняй распачаты адміністрацыйны працэс у адпаведнасці з арт. 13.12 КаАП Рэспублікі Беларусь (парушэнне парадку транспарціроўкі тавараў). Санкцыяй артыкула прадугледжаны штраф у памеры да 50% ад кошту прадмета адміністрацыйнага правапарушэння.
Тэгі па тэме
#Гомельская таможня #Незаконное перемещение #Административный процесс
