Мытныя органы Рэспублікі Беларусь
02 лiстапада 2026
Аператыўнікі Гомельскай мытні выявілі пяць фактаў недастаўкі тавараў замежнай вытворчасці, прызначаных для фізічных асоб, у месцы правядзення кантролю.
Мытнікі спынілі рух пяці транспартных сродкаў, якія належаць аднаму беларускаму індывідуальнаму прадпрымальніку, пры правядзенні спецыяльных мерапрыемстваў.
У аўто знаходзілася больш за 40 тыс. адзінак адзення, абутку, сумак і іншых тавараў народнага спажывання ў асартыменце. Агульны кошт такіх тавараў склаў каля 500 тыс. беларускіх рублёў.
Устаноўлена, што пры іх увозе на тэрыторыю Беларусі не выканана абавязковая ўмова, прадугледжаная Указам Кіраўніка дзяржавы № 297, - да перадачы фізічным асобам тавары не былі дастаўлены ў месцы правядзення кантролю.
Па кожным з фактаў Гомельскай мытняй у дачыненні да індывідуальнага прадпрымальніка пачаты адміністрацыйныя працэсы па арт. 13.36 КаАП Рэспублікі Беларусь. Санкцыяй артыкула прадугледжаны штраф у памеры да 50% ад кошту прадмета адміністрацыйнага правапарушэння.
Тэгі па тэме
