Мытныя органы Рэспублікі Беларусь
29 кастрычнiка 2026
Аператыўнікамі Брэсцкай мытні спынена спроба незаконнага ўвозу на тэрыторыю ЕАЭС у мэтах далейшага ўключэння ў эканамічны абарот пасажырскага аўтобуса 2006 года выпуску.
У мытнікаў узніклі сумневы ў сапраўднасці ідэнтыфікацыйнага нумара замежнага транспартнага сродку. Яго наўмыснае перайначванне пацвердзіў эксперт Брэсцкага міжраённага аддзела ДКСЭ.
Пры правядзенні далейшай праверкі мытнікі ўстанавілі, што з выкарыстаннем рэгістрацыйных знакаў і дакументаў, якія належаць аналагічнай мадэлі, але толькі 1991 года выпуску, транспартны сродак спрабавалі выдаць як ужо зарэгістраваны ў ЕАЭС.
Аўтобус ацэначным коштам звыш 270 тыс. беларускіх рублёў канфіскаваны да рашэння суда.
Брэсцкай мытняй пачаты адміністрацыйны працэс у адпаведнасці з ч. 2 арт. 15.1 КаАП Рэспублікі Беларусь (перамяшчэнне тавараў, якія падлягаюць мытнаму дэклараванню, з утойваннем ад мытнага кантролю, з наданнем адным таварам віду іншых тавараў).
Санкцыяй артыкула прадугледжана накладанне штрафу да 30 базавых велічынь і магчымая канфіскацыя транспартнага сродку.
Тэгі па тэме
